Gramanchalakhabr

ରାଜଗାଙ୍ଗପୁର ସାପ୍ତାହିକ ହାଟ, ପୋଷ୍ଟ ଅଫିସ, କିଛି ଏଟିଏମ ରେ ପାଳନ ହେଉନି ସାମାଜିକ ଦୂରତା ! କୁତ୍ରା ସରକାରୀ ଡାକ୍ତର ଖାନା, ଜନବିକାଶ କେନ୍ଦ୍ର ଓ ରାସନ ବିତରଣ କେନ୍ଦ୍ର ରେ ମଧ୍ୟ ପାଳନ ହେଉନି ସାମାଜିକ ଦୂରତା !

କୋରୋନା ଭାଇରସ ର ପ୍ରକୋପ ବଢ଼ି ଚାଲି ଥିବା ବେଳେ ଏପ୍ରିଲ ୧୫ରୁ ମଇ ୩ ତାରିଖ ପ୍ରଯ୍ୟନ୍ତ ଲକ ଡାଉନ କୁ ବଢ଼ାଇ ଦିଆ ଯାଇ ଥିବା ବେଳେ ସାମାଜିକ ଦୂରତା, ମାକ୍ସ ବ୍ୟବହାର ଉପରେ ଅଧିକ ଗୁରୁତ୍ୱ ଦିଆ ଯାଉଛି !ସାମାଜିକ ଦୂରତା ରକ୍ଷା କରିବା ଓ ମାକ୍ସ ବ୍ୟବହାର କରିବା ପାଇଁ ଶକ୍ତ ନିର୍ଦେଶ ଦେଇଥିବା ବେଳେ ଗୁରୁବାର ଓ ରବିବାର ରାଜଗାଙ୍ଗପୁର ଫୁଟବଲ ପଡିଆ ଠାରେ ବସୁଥିବା ସାପ୍ତାହିକ ହାଟରେ ସାମାଜିକ ଦୂରତା ରକ୍ଷା କରାଯାଇ ନ ଥିବା ବେଳେ ପରିବା ବିକାଳୀ ଓ ବହୁତ ଲୋକ ମାକ୍ସ ମଧ୍ୟ ବ୍ୟବହାର କରୁନଥିବା ଦେଖିବାର ମିଳିଛି !

ରାଜଗାଙ୍ଗପୁର ଫୁଟବଲ ପଡିଆ ପାଖରେଥିବା ମୁଖ୍ୟ ଡାକଘରେ ମଧ୍ୟ ଲାଇନରେ ଥିବା ଲୋକେ ସାମାଜିକ ଦୂରତା ରକ୍ଷା କରୁନଥିବା ବେଳେ ମାକ୍ସ ମଧ୍ୟ ବ୍ୟବହାର କରୁନଥିବା ଦେଖିବାକୁ ମିଳିଥିଲା !ଏ ବାବଦରେ ରାଜଗାଙ୍ଗପୁର ଡାକଘରର ମୁଖ୍ୟଙ୍କୁ ପଚାରିବାରୁ ଲୋକେ ବୁଝୁ ନାହାନ୍ତି ଆମେ କଣ କରିବୁ ବୋଲି ବିଷୟକୁ ଗୁରୁତ୍ୱ ଭାବେ ନ ନେଇ ହାଲୁକା ଭାବେ ଉତ୍ତର ଦେଇଥିଲ !ରାଜଗାଙ୍ଗପୁର ପୌର କାର୍ଯ୍ୟ ନିର୍ବହୀଙ୍କୁ ମଧ୍ୟ ବଜାର ସମ୍ବନ୍ଧ ରେ ପଚାରିବାରୁ ଲୋକମାନେ ବୁଝୁ ନାହାନ୍ତି ବୋଲି ଉତ୍ତର ଦେଇଥିଲ !ରାଜଗାଙ୍ଗପୁର ର କିଛି ଏଟିଏମ ରେ ମଧ୍ୟ ସାମାଜିକ ଦୂରତା ରକ୍ଷା କରାଯାଉନଥିବା ଦେଖିବାକୁ ମିଳିଛି !ଏହା ଛଡା କୁତ୍ରା ର ରାସନ ବିତରଣ କେନ୍ଦ୍ର, ସରକାରୀ ଡାକ୍ତର ଖାନା ଓ କୁତ୍ରା ବସଷ୍ଟାନ ପାଖରେ ଥିବା ଜନ ସେବା କେନ୍ଦ୍ରରେ ମଧ୍ୟ ସାମାଜିକ ଦୂରତା ଓ ମାକ୍ସ ବ୍ୟବହାର କରିବା ନିୟମ କୁ ଖୋଲା ଖୋଲି ଭାବରେ ଉଲ୍ଲଙ୍ଘନ କରାଯିବାର ଦେଖିବାକୁ ମିଳିଛି !ପୋଲିସ ପ୍ରଶାସନ ରାସ୍ତା ଉପରେ ନଜର ଦେବା ସହିତ ରାଶନ ବିତରଣ କେନ୍ଦ୍ର, ବ୍ୟାଙ୍କ, ପୋଷ୍ଟଅଫିସ, ଏଟିଏମ, ପରିବା ବଜାର ଉପରେ ଗୁରୁତ୍ୱ ଦେବାପାଇଁ ସାଧାରଣ ରେ ଚର୍ଚା ହେଉଛି !

ରାଜଗାଙ୍ଗପୁର ସହର ର ଉପାନ୍ତ ଅଞ୍ଚଳ ମାଲିଡିହି ଓ ରାଣୀ ପିୟା ରେ ମାକ୍ସ ବଣ୍ଟନ କରିବା ସହିତ କୋରୋନା ଭାଇରସ ର ସଚେତନା କାର୍ଯ୍ୟ କ୍ରମ କଲେ ରାଜଗାଙ୍ଗପୁର ସହର ର ପୂର୍ବତନ ବିଧାୟକଙ୍କ ସହଯୋଗି !

ସମଗ୍ର ଦେଶ ରେ କୋରୋନା ର ପ୍ରଭାବ ବଢିବାରେ ଲାଗି ଥିବା ବେଳେ ଭାରତ ରେ ମଧ୍ୟ ଏହାର ପ୍ରଭାବ ବଢିବା ରେ ଲାଗିଛି ଗତ ମାର୍ଚ୍ଚ ୨୪ ତାରିଖ ମଧ୍ୟ ରାତ୍ରି ରୁ ଏପ୍ରିଲ୧୪ ତାରିଖ ପ୍ରଯ୍ୟନ୍ତ ସମଗ୍ର ଦେଶ ଲକ ଡାଉନ ଥିବା ବେଳେ କୋରୋନା ଭାଇରସ ର ପ୍ରଭାବ ବଢିବାକୁ ଲାଗିବାରୁ ଲକଡାଉନ କୁ ମଇ ୩ ତାରିଖ ପ୍ରଯନ୍ତ ବଢ଼ାଇ ଦିଆ ଯାଇଛି ! ଲକ ଡାଉନ ସମୟ ରେ କୋରୋନା ସଚେତନା ଓ ଗରିବ ଓ ଅସହାୟ ଲୋକଙ୍କୁ ସାହାଯ୍ୟ ସହଯୋଗ କରିବା ପାଇଁ ରାଜଗାଙ୍ଗପୁର ସହର ର ପୂର୍ବତନ ବିଧାୟକ ମଙ୍ଗଳା କିଶାନ ୧ ଲକ୍ଷ୍ୟ ଟଙ୍କା ଯୋଗାଇ ଦେଇ ଥିଲେ !ଏହି ଟଙ୍କା ରେ ମଙ୍ଗଳା କିଶାନ ଙ୍କ ସହଯୋଗି ତଥା ରାଜଗାଙ୍ଗପୁର ସହର ର ପୂର୍ବତନ ବିଜୁ ଜନତା ଦଳ ର ସଭାପତି ଅମରେଶ ପଣ୍ଡା ଓ ତାଙ୍କ ସହଯୋଗି ରାଜଗାଙ୍ଗପୁର ପୌର ପରିଷଦ ର ସମସ୍ତ ୱାର୍ଡ ରେ କୋରୋନା ଭାଇରସ ସମ୍ଭଧୀୟ ନୀତି ନିୟମ ଉପରେ ସଚେତନ କରିବା ସହିତ ମାକ୍ସ ବଣ୍ଟନ ଓ ଗରିବ ଲୋକ ଙ୍କୁ ରନ୍ଧା ଖାଦ୍ୟ ବଣ୍ଟନ କରି ଆସୁଥିଲେ !
ଏପ୍ରିଲ୧୪ ତାରିଖ ରୁ ମଇ ୩ ତାରିଖ ପ୍ରଯନ୍ତ ଲକ ଡାଉନ ବଢ଼ି ଥିବା ବେଳେ ରାଜଗାଙ୍ଗପୁର ସହର ର ପୂର୍ବତନ ବିଧାୟକ ମଙ୍ଗଳା କିଶାନ ଙ୍କ ସହଯୋଗି ତଥା ରାଜଗାଙ୍ଗପୁର ସହର ର ପୁର୍ବତନ ବିଜୁ ଜନତା ଦଳ ର ସଭାପତି ଅମରେଶ ପଣ୍ଡା ଏପ୍ରିଲ୧୫ ତାରିଖ ବୁଧୁବାର ଦିନ ତାଙ୍କ ଦଳ ବଳ ସହିତ ରାଜଗାଙ୍ଗପୁର ସହର ର ଉପାନ୍ତ ଅଞ୍ଚଳ ମାଲିଡିହି ଓ ରାଣୀ ପିୟା ପ୍ରଭୁତ ଅଞ୍ଚଳ କୁ ଯାଇ ଗ୍ରାମ ର ଲୋକଙ୍କୁ ସାମାଜିକ ଦୂରତା ରକ୍ଷା କରିବା, ମାକ୍ସ ବ୍ୟବହାର କରିବା, ସାବୁନ ରେ ହାତ ଧୋଇବା ପରି କୋରୋନା ସମ୍ଭଧୀୟ ନୀତି ନିୟମ କୁ ସଚେତନ କରିଥିଲେ !ଏହା ଛଡା ଗ୍ରାମ ର ଲୋକଙ୍କୁ ମାକ୍ସ ବଣ୍ଟନ କରିବା ସହିତ ଗ୍ରାମ ବାସୀଙ୍କୁ ରନ୍ଧା ଖାଦ୍ୟ ଯୋଗାଇ ଦେଇ ଥିଲେ !ଏହି କାର୍ଯ୍ୟ କ୍ରମ ରେ ମାଲିଡିହି ସରପଞ୍ଚ ବିଜୟ ଲାକ୍ରା ଯୋଗ ଦେଇ ଥିବା ବେଳେ ମଙ୍ଗଳା କିଶାନ ଙ୍କ ସହଯୋଗି ରମେଶ କେଶରୀ, ବଜରଙ୍ଗ ରାଏ, ବିଶ୍ୱଜିତ ସାନ୍ତରା, ଅଟଳ ବିହାରୀ ପଣ୍ଡା, ନିହାର ସ୍ୱାଇଁ, ଅଶୋକ ମାଝୀ, ଶସ୍ମିତ ଦେ, ବବନ ରବାନୀ, ଯୋଗ ଦେଇ ନିଜେ କୋରୋନା ସମ୍ଭଧୀୟ ନୀତି ନିୟମ କୁ ପାଳନ କରି ଲୋକଙ୍କୁ ସଚେତନ କରି ଥିଲେ ! ହାରିବ କୋରୋନା ଜିତିବ ଭାରତ ଏହି ସ୍ଲୋଗାନ ଦେଇ ରାଜଗାଙ୍ଗପୁର ପୂର୍ବତନ ବିଧାୟକ ମଙ୍ଗଳା କିଶାନ ଙ୍କ ସହଯୋଗୀ ମାନେ ରାଜଗାଙ୍ଗପୁର ସହର ର ମାଲିଡିହି ଓ ରାଣୀପିୟା ଗ୍ରାମ ରେ ବୁଲି ବୁଲି ଦି ପହର ରେ ରନ୍ଧା ଖାଦ୍ୟ ଓ ମାକ୍ସ ବଣ୍ଟନ କରିଥିଲେ !ଏହି କାର୍ଯ୍ୟ କ୍ରମ ଆଗାମୀ ଦିନ ରେ ମଧ୍ୟ ଜାରି ରହିବ ବୋଲି ପୁର୍ବତନ ବିଧାୟକ ମଙ୍ଗଳା କିଶାନ ଙ୍କ ସହଯୋଗି ଅମରେଶ ପଣ୍ଡା ପ୍ରକାଶ କରିଥିଲେ !

ସାମ୍ବାଦିକ ଙ୍କ ପରିଚୟ ପତ୍ର ଯାଞ୍ଚ ପାଇଁ ଦାବି !

ରାଜଗାଙ୍ଗପୁର.:-କୋରୋନା ଭାଇରସ ପାଇଁ ସମଗ୍ର ରାଜଗାଙ୍ଗପୁର ଲକ ଡାଉନ ଥିବା ବେଳେ ସାମ୍ବାଦିକ ଙ୍କ ପରିଚୟ ଯାଞ୍ଚ ପାଇଁ ବିଭିନ୍ନ ମହଲ ରୁ ଦାବି ହେଉଛି !ରାଜଗାଙ୍ଗପୁର ସହର କୋରୋନା ଭାଇରସ ପାଇଁ ଲକ ଡାଉନ ରହୁଥିବା ବେଳେ ରାଜଗାଙ୍ଗପୁର ଅଞ୍ଚଳ ରେ ନିଜକୁ ସାମ୍ବାଦିକ କହୁଥିବା ବହୁ ବ୍ୟକ୍ତି ସରକାରି କାର୍ଯ୍ୟକ୍ରମ ହେଉ କି ବେସରକାରି କାର୍ଯ୍ୟକ୍ରମ ହେଉ ସେଠାରେ ଦଳ ଦଳ ସାମ୍ବାଦିକ ଙ୍କୁ ଦେଖିବାକୁ ମିଳୁଛି ! ହାଟ ବଜାର ହେଉ କି ରୋଡ଼ ରାସ୍ତା ହେଉ ମୋବାଇଲ ଖଣ୍ଡେ ଧରି ବିଭିନ୍ନ ସ୍ଥାନ ରେ ଫୋଟ ଉଠାଉ ଥିବାର ଦେଖିବାକୁ ମିଳେ !
ଏହା ଛଡ଼ା ବିଭିନ୍ନ ସ୍ଥାନ ରେ ସାଧାରଣ ଲୋକଙ୍କ ଅପେକ୍ଷା ସାମ୍ବାଦିକ ଙ୍କ ଭିଡ଼ ଅଧିକ ଦେଖିବାକୁ ମିଳେ ! ଏମାନେ ପ୍ରକୃତ ରେ ସାମ୍ବାଦିକ କି ନୁହଁନ୍ତି ଜାଣିବା ପାଇଁ ପ୍ରଶାସନ ପକ୍ଷ ରୁ ସାମ୍ବାଦିକ ଙ୍କ ର ପରିଚୟ ପତ୍ର ଯାଞ୍ଚ ପାଇଁ ବିଭିନ୍ନ ମହଲ ରୁ ମତ ପ୍ରକାଶ ପାଇଛି ! ଏହା ଛଡ଼ା କିଛି ସାମ୍ବାଦିକ ମଧ୍ୟ ଲୋକଙ୍କ ର ଏହି ମତ କୁ ଗ୍ରହଣ କାରି ପୋଲିସ ପ୍ରଶାସନ ପକ୍ଷ ରୁ ସାମ୍ବାଦିକ ପରିଚୟ ପତ୍ର ଯାଞ୍ଚ କରିବା ଦିଗ ରେ ପଦକ୍ଷେପ ନେବା ଉଚିତ ବୋଲି ମତ ଦେଇଛନ୍ତି !

ସତ୍ୟ ଓ ନିର୍ଭୀକ ଖବର ଗ୍ରାମାଞ୍ଚଳ ଖବର

ଶ୍ରୀ କ୍ଷେତ୍ର ପେଷ୍ଟ କଂଟ୍ରୋଲ ସରଭିସ ପକ୍ଷ ରୁ ରାଜଗାଙ୍ଗପୁର ସହର ରେ ଥିବା ସମସ୍ତ ଏଟିଏମ କୁ କରାଗଲା ସେନିଟାଇଜ !

ସମଗ୍ର ଓଡିଶା ରେ କୋରୋନା ଭାଇରସ ଭୟ ଲାଗି ରହି ଥିବା ବେଳେ ଏପ୍ରିଲ ୧୨ତାରିଖ ରବି ବାର ଦିନ ସୁନ୍ଦରଗଡ଼ ଜିଲ୍ଲା ର ବିଶ୍ରା ଅଞ୍ଚଳ ରେ ଦୁଇ ଟି କୋରୋନା ପଜିଟିଭ ଚିନ୍ନଟ କରା ଯାଇଛି !

ଏହାକୁ ଆଖି ଆଗରେ ରଖି ରାଜଗାଙ୍ଗପୁର ସହର ର ସମସ୍ତ ଅଞ୍ଚଳ ରେ ଥିବା ଏଟି ଏମ କୁ କୋରୋନା ମୁକ୍ତ କରିବା ପାଇଁ ଶ୍ରୀ କ୍ଷେତ୍ର ପେଷ୍ଟ କଂଟ୍ରୋଲ ସରଭିସ ପକ୍ଷ ରୁ ରାଜଗାଙ୍ଗପୁର ସହର ରେ ଥିବା ସମସ୍ତ ଏଟିଏମ କୁ ସେନି ଟାଇଯେସନ କରିବା ଆରମ୍ଭ କରାଯାଇଛି ! ଏପ୍ରିଲ ୧୨ ତାରିଖ ରବିବାର ଦିନ ସକାଳୁ ରାଜଗାଙ୍ଗପୁର ସହର ର ସାପ୍ତାହିକ ହାଟ ପାଖ ରେ ଥିବା ଆକ୍ସିସ ବ୍ୟାଙ୍କ ଏଟିଏମ ରୁ ସେନିଟାଇ ଜେସନ କାର୍ଯ୍ୟ ଆରମ୍ଭ କରି ଆଇ ସି ଆଇ ବ୍ୟାଙ୍କ, ଷ୍ଟେଟ ବ୍ୟାଙ୍କ, ବସଷ୍ଟାଣ୍ଡ ଭଳି ରାଜଗାଙ୍ଗପୁର ସହର ର ଅନ୍ୟାନ ଜାଗାରେ ଥିବା ଏଟିଏମ କୁ ସେନିଟାଇଜ କରାଯାଇଥିଲା ! ଶ୍ରୀ କ୍ଷେତ୍ର ପେଷ୍ଟ କଂଟ୍ରୋଲ ସରଭିସ ର ପ୍ରଶାନ୍ତ କୁମାର ଦାସ, ଅକ୍ଷୟ ପ୍ରଧାନ, ସଞ୍ଜୟ ବହାଦୁର, ଏହି କାର୍ଯ୍ୟ ରେ ଭାଗ ନେଇ ଥିବା ବେଳେ ଆଗାମୀ ଦିନ ରେ ମଧ୍ୟ ଏହି କାର୍ଯ୍ୟ କୁ ତ୍ୱରାନ୍ନିତ କରାଯିବ ବୋଲି ପ୍ରକାଶ କରିଥିଲେ !

ରାଜଗାଙ୍ଗପୁର ସହର ରେ ପୁରୁଣା ଝଗଡା କୁ ନେଇ ଫୁଟିଲା ଗୁଳି !ଯୁବକ ଆହତ !

ଆତ୍ମସମର୍ପଣ କଲେ ଅଭିଯୁକ୍ତ !ପୁଲିସ ତଦନ୍ତ ଜାରି !

ରାଜଗାଙ୍ଗପୁର..( ମନୋଜ ଭୋଳ )ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ୱାର୍ଡ ନମ୍ବର ୧ ର କୁମ୍ଭାର ପଡା ଠାରେ ପୁରୁଣା ଝଗଡା କୁ ନେଇ ବିକାଶ ଦାସ (ଜବାନି ) ନାମକ ଜଣେ ଯୁବକ ଶୁକ୍ରବାର ଦିନ ପାଖା ପାଖି ଦିନ ୧୧ଟା ସମୟ ରେ ଅର୍ଜୁନ ବଡାଇକ ନାମକ ଜଣେ ଯୁବକ ଙ୍କ ଉପରକୁ ପିସ୍ତଲ ରୁ ଗୁଳି ଚଳାଇ ଥିବା ବେଳେ ଗୁଳି ଟି ଅର୍ଜୁନ ବଡାଇକ ହାତରେ ବାଜି ଥିବାରୁ ସେ ଆହତ ହୋଇ ପଡିଛନ୍ତି ! ଗୁଳି ଚଳାଇବା ପରେ ବିକାଶ ଦାସ ରାଜଗାଙ୍ଗପୁର ପୋଲିସ ପାଖରେ ଆସି ଆତ୍ମସମର୍ପଣ କରିଥିଲା ! ପୁଲିସ ତଦନ୍ତ ଜାରି ରଖିଛି ! ଘଟଣା ରୁ ଜଣା ପଡିଛି ଯେ ବିକାଶ ଦାସ (ଜବାନି )ନାମକ ଜଣେ ଯୁବକ ରାଜଗାଙ୍ଗପୁର ସହର ୱାର୍ଡ ନମ୍ବର ୧ କୁମ୍ଭାର ପଡା ରେ ବସ ବାସ କରନ୍ତି !ଅନ୍ୟ ପଟେ ଅର୍ଜୁନ ବଡାଇକ ନାମକ ଯୁବକ ରାଜଗାଙ୍ଗପୁର ସହର ସ୍ଥିତ ଭାଟା ପଡା ରେ ବସ ବାସ କରନ୍ତି ! ଦୀର୍ଘ ତିନି ମାସ ତଳେ ଅର୍ଜୁନ ବଡାଇକ ଓ ବିକାଶ ଦାସ ଙ୍କ ମଧ୍ୟ ରେ କୋଣସି କାରଣ ନେଇ ଝଗଡା ହୋଇଥିଲା !ହେଲେ ଏପ୍ରିଲ ୧୦ ତାରିଖ ଶନିବାର ଦିନ ୧୦.୩୦ସମୟ ରେ ଅର୍ଜୁନ ବଡାଇକ କୋଣସି କାମ ରେ କୁମ୍ଭାର ପଡା ଆଡ଼କୁ ଆସି ଥିଲେ !ଏହି ସମୟ ରେ କୁମ୍ଭାର ପଡା ଠାରେ ଅର୍ଜୁନ ବଡାଇକ ଓ ବିକାଶ ଦାସ ଙ୍କ ମୁହାଁ ମୁହିଁ ଭେଟ ହୋଇଥିଲା ! ସେଠାରେ ପୁରୁଣା ଝଗଡା କୁ ନେଇ ଫୁଣି ବଚସା ହୋଇଥିଲା ! ବଚସା ହେବା ପରେ ବିକାଶ ନିଜ ଘରକୁ ଚାଲି ଯାଇ ଥିଲା ଏବଂ ଘରୁ ଏକ ପିସ୍ତଲ ଲୁଚାଇ ଘଟଣା ସ୍ଥଳକୁ ଆସି ଲୁଚାଇ ରଖିଥିବା ପିସ୍ତଲ ରୁ ଅର୍ଜୁନ ବଡାଇକ ଉପରକୁ ଗୁଳି ଚଳାଇ ଥିଲା !ଗୁଳି ଅର୍ଜୁନ ବଡାଇକ ହାତରେ ବାଜିଥିଲା !ଏହା ଦେଖି ବିକାଶ ଆଉ ଥରେ ଗୁଳି ଚଳାଇବାକୁ ପ୍ରୟାସ କଲା ବେଳେ ଅର୍ଜୁନ ବଡାଇକ ଭୟ ଭିତ ହୋଇ ସେଠାରୁ ଦୌଡ଼ି ପଳାଇ ଯାଇ ଚିକିତ୍ସା ପାଇଁ ରାଜଗାଙ୍ଗପୁର ସରକାରୀ ଡାକ୍ତର ଖାନାକୁ ପହଁଚି ଥିଲା !ବିକାଶ ଦାସ ଗୁଳି ଚଳାଇବା ପରେ ରାଜଗାଙ୍ଗପୁର ଥାନା କୁ ଆସି ଆତ୍ମ ସମର୍ପଣ କରିଥିଲା ! ଏ ନେଇ ପୋଲିସ ତଦନ୍ତ କରୁ ଥିବା ବେଳେ ଅର୍ଜୁନ ବଡାଇକ ର ଅବସ୍ଥା ଠିକ ଥିବା ଦେଖି ବାକୁ ମିଳିଛି !

ରାଜଗାଙ୍ଗପୁର ଓସିଏଲ ମାର୍କେଟ ଟେଲିଫୋନ ଗଳି ରେ ଯୁବତୀ ଙ୍କ ର ଆତ୍ମ ହତ୍ୟା !

ପୋଲିସ ଦ୍ୱାରା ମୃତ ଦେହ ଜବତ ! ବ୍ୟବଛେଦ ପରେ ଘର ଲୋକଙ୍କୁ ମୃତ ଦେହ ହସ୍ତାନ୍ତର !

ରାଜଗାଙ୍ଗପୁର ସହର ର ଖାଡା ଗଲି ରେ ଗ୍ୟାସ ପାଇପ ଲିକ ହୋଇ ଲାଗିଲା ନିଆଁ

କୋରୋନା ଭାଇରସ ପାଇଁ ସମଗ୍ର ଜିଲ୍ଲା ଲକଡାଉନ ଥିବା ବେଳେ ମାଲବାହି ଯାନ ଡ୍ରାଇଭର ଓ ପଥଚାରି ଙ୍କ ପାଇଁ ପ୍ରଶାସନ ଦ୍ୱାରା ଖୋଲାଗଲା କିଛି ହୋଟେଲ, ଗ୍ୟାରେଜ, ଟାଏର ଦୋକାନ ଓ ସ୍ପେୟାର ପାର୍ଟ ଦୋକାନ !

କୋରୋନା ଭାଇରସ ପାଇଁ ମାର୍ଚ୍ଚ ୨୪ତାରିଖ ମଧ୍ୟ ରାତ୍ରି ରୁ ସମଗ୍ର ଜିଲ୍ଲା ଲକଡାଉନ ହୋଇଥିବା ବେଳେ ଜିଲ୍ଲା ର ସମସ୍ତ ହୋଟେଲ , ଟାଏର ଦୋକାନ, ସ୍ପେୟାର ପାର୍ଟ ଦୋକାନ ବନ୍ଦ ରହିଥିଲା ! ହେଲେ ଡାଲି, ଚାଉଳ, ପନିପରିବା, ଔଷଧ, ଅଣ୍ଡା, ମାଛ ଭଳି ବିଭିନ୍ନ ଜରୁରୀ ସାମଗ୍ରୀ ପରିବହନ କରୁଥିବା ଯାନ ଚାଳକ ଙ୍କ ଖାଦ୍ୟ ପେୟ, ଟାଏର ମରାମତି, ଗାଡି ମରାମତି ଭଳି ସମସ୍ୟା ଦେଖିବାକୁ ମିଳିଥିଲା ! ଏହାକୁ ଆଖି ଆଗରେ ରଖି ପ୍ରଶାସନ ପକ୍ଷ ରୁ ପ୍ରତି ୨୦ରୁ ୨୫କିଲୋମିଟର ଭିତରେ ଗୋଟିଏ ହୋଟେଲ, ଟାଏର ଦୋକାନ, ଗ୍ୟାରେଜ, ଓ ସ୍ପେୟାର ପାର୍ଟ ଦୋକାନ ଖୋଲିବା ପାଇଁ ନିଷ୍ପତି ନିଆଯାଇ ସୁନ୍ଦରଗଡ଼ କୁଣ୍ଡୁକେଲା, ଠାରେ ପୁନମ ଢ଼ାବା, ଭୋଜପୁର ଠାରେ ମଦନ ଢ଼ାବା, ଗରିଆ ମାଲ ଠାରେ ହାଇୱେ ଢାବା, ରାଞ୍ଚି ରୋଡ଼ ଠାରେ ସୌରଭ ଢ଼ାବା, ରାଜଗାଙ୍ଗପୁର ଠାରେ ହୋଟେଲ ଚିନାର ଓ ମାଣିଆ କୁଦାର ଠାରେ ଦିଲ୍ଲୀ ଦରବାର କୁ ଖୋଲିବା ସହିତ ଟ୍ରକ ଚାଳକ ଓ ପଥଚାରି ଙ୍କୁ ଖାଦ୍ୟ ଯୋଗାଇବାକୁ ମାର୍ଚ୍ଚ ୨୫ତାରିଖ ଦିନ ନିର୍ଦ୍ଧେଶ ଦିଆଯାଇ ଥିଲା ! ଠିକ ସେହି ପରି କୁଣ୍ଡୁ କେଲାର ନିମାଇଁ ପଟେଲ ଟାଏର ଦୋକାନ, ଭୋଜପୁର ର ଟେବରାଜ ଟାଏର ଦୋକାନ, ରାଞ୍ଚି ରୋଡ ର ରବି ଟାଏର ରିପାରିଙ୍ଗ ସପ, ରାଜଗାଙ୍ଗପୁର ର ନବୀନ ଟାଏର ରିପାରିଙ୍ଗ ସପ,ମାଣିଆ କୁଦର ର ରାଜୁ ଗେରେଜ, ଭୋଜପୁର ର ସୁଶୀଳା ମୋଟର୍ସ, ଓ ରାଜଗାଙ୍ଗପୁର ର ଇସିକା ଅଟୋ, ବନମାଳୀ ସେନ କୁ ଦୋକାନ ଖୋଲିବା ପାଇଁ ପ୍ରଶାସନ ନିର୍ଦ୍ଧେଶ ଦେଇଥିଲେ !ଏହି ଦୋକାନ ଗୁଡିକ ମାର୍ଚ୍ଚ ୨୬ତାରିଖ ଖୋଲିବା ଦ୍ୱାରା ଚାଳକ ଙ୍କୁ ଓ ପଥଚାରି ଙ୍କୁ ସୁବିଧା ରେ ଖାଦ୍ୟ ପେୟ ମିଳିଥିବା ଦେଖିବାକୁ ମିଳିଛି ହେଲେ ରବି ରିପରିଙ୍ଗ ସପ ଏକ ବଡ଼ି ରିପରିଙ୍ଗ ଗେରେଜ ହୋଇଥିବା ବେଳେ ଏଠାରେ ଏକ ଗାଡି ମରାମତି ଓ ଟାଏର ଦୋକାନ ଖୋଲା ଗଲେ ରାସ୍ତା ରେ ଯାତାୟତ କରୁଥିବା ଜରୁରୀ କାଳୀନ ଗାଡି ଗୁଡିକ ଉପକୃତ ହୋଇପାରନ୍ତେ !

ପୂର୍ବତନ ବିଧାୟକ ମଙ୍ଗଳା କିଷାନଙ୍କ ସାହାଯ୍ୟ କ୍ରମେ ପୁର୍ବତନ ବିଜେଡି ଟାଉନ ସଭାପତି ଅମରେଶ ପଣ୍ଡା ଙ୍କ ନେତୃତ୍ୱ ରେ ଝପୁଡି ପଡା ଓ କିଷାନ ପଡା ଓ ରାଜଗାଙ୍ଗପୁର ର ବିଭିନ୍ନ ଅଞ୍ଚଳ ରେ ଅସହାୟ ଙ୍କୁ ରନ୍ଧା ଖାଦ୍ୟ ବଣ୍ଟନ !

ରାଜଗାଙ୍ଗପୁର :-କୋରୋନା ଭାଇରସ କୁ ନେଇ ସୁନ୍ଦରଗଡ଼ ଜିଲ୍ଲା ର ରାଜଗାଙ୍ଗପୁର ସହର ର ସମ୍ପୂର୍ଣ ଲକଡାଉନ ଥିବା ବେଳେ ଶ୍ରମିକ ଓ ଖଟି ଖିଆ ଙ୍କୁ ଖାଦ୍ୟ ଠୁ ନେଇ ବିଭିନ୍ନ ସମସ୍ୟା ଭୋଗିବାକୁ ପଡୁଛି ! ଏହାକୁ ଆଖି ଆଗରେ ରଖି ରାଜଗାଙ୍ଗପୁର ପୂର୍ବତନ ବିଧାୟକ ମଙ୍ଗଳା କିଷାନ ସହର ରେ ଲକଡାଉନ ଥିବା ପ୍ରଯ୍ୟନ୍ତ ଅସହାୟ ଲୋକଙ୍କୁ ଖାଦ୍ୟ, ପାଣି, ଓ ବିଭିନ୍ନ ସାହାଯ୍ୟ କରିବା ପାଇଁ ଜାରି କରିଥିଲେ ! ତାଙ୍କ ଘୋଷଣା ମୁତାବକ ବିଜେଡି ର ପୁର୍ବତନ ଟାଉନ ସଭାପତି ଅମରେଶ ପଣ୍ଡା, ବିଜେଡି ର ଟାଣୁଆ ନେତା ରାମ କୁଜୁର, ଅମୀୟ ରଞ୍ଜନ ଦାସ, ରମେଶ କେଶରୀ, ବିଶ୍ୱଜିତ ସାନ୍ତରା, ବଜରଙ୍ଗ ରାଏ,ମଳୟ ଚନ୍ଦ୍ର ନାୟକ, ଅଟଳ ପଣ୍ଡା, ପ୍ରମୁଖ ଝପୁଡି ପଡା, କିଷାନ ପଡା, ଓ ରାଜଗାଙ୍ଗପୁର ର ବିଭିନ୍ନ ଅଞ୍ଚଳ ରେ ଅସହାୟ ଲୋକଙ୍କୁ ରନ୍ଧା ଖାଦ୍ୟ ବଣ୍ଟନ କରିଥିଲେ ! ସେମାନେ ରନ୍ଧା ଖାଦ୍ୟ ବଣ୍ଟନ ସମୟ ରେ ସାମାଜିକ ଦୁରତା, ମାକ୍ସ ବ୍ୟବହାର ଭଳି କୋରୋନା ସମ୍ବଧୀୟ ସମସ୍ତ ନୀତି ନିୟମକୁ ପାଳନ କରିଥିବା ଦେଖିବାକୁ ମିଳିଥିଲା !ସେମାନେ ଲକଡାଉନ ଚାଲିଥିବା ପ୍ରଯ୍ୟନ୍ତ ରାଜଗାଙ୍ଗପୁର ସହର ର ସମସ୍ତ ଅସହାୟ ଲୋକଙ୍କୁ ବିଭିନ୍ନ ଦିଗରେ ପାରୁ ପ୍ରଯ୍ୟନ୍ତ ସାହାଯ୍ୟ ସହଯୋଗ କରିବା ସାଙ୍ଗକୁ ଅସହାୟ ଙ୍କୁ ପ୍ରତିଦିନ ରନ୍ଧା ଖାଦ୍ୟ ଯୋଗାଇ ଦିଆଯିବ ବୋଲି ଅମରେଶ ପଣ୍ଡା ପ୍ରକାଶ କରିଛନ୍ତି ! ତାଙ୍କର ଏଭଳି ମହତ କାର୍ଯ୍ୟ କୁ ରାଜଗାଙ୍ଗପୁର ଜନସାଧାରଣ ତଥା ବିଭିନ୍ନ ଅନୁଷ୍ଠାନ ପକ୍ଷ ରୁ ସ୍ୱାଗତ କରାଯାଇଛି !

କୋରୋନା ଭାଇରସ ପାଇଁ ରାଜଗାଙ୍ଗପୁର ଲକଡାଉନ ଥିବା ବେଳେ ବିଧାୟକ ଡକ୍ଟର ସି ଏସ ରାଜନ ଏକ୍କା ଙ୍କ ପକ୍ଷ ରୁ ଅସହାୟ ଙ୍କୁ ଖାଦ୍ୟ ପ୍ୟାକେଟ ବଣ୍ଟନ !

କୋରୋନା ଭାଇରସ ପାଇଁ ରାଜଗାଙ୍ଗପୁର ଲକଡାଉନ ଥିବା ବେଳେ ଓଡିଶା କୁ ମଧ୍ୟ ଲକଡାଉନ କରାଯାଇଛି ! ଓଡିଶା ର ସୁନ୍ଦରଗଡ଼ ଜିଲ୍ଲା ଅନ୍ତର ଗତ ରାଜଗାଙ୍ଗପୁର ସହର ରେ ମଧ୍ୟ ଲକଡାଉନଜାରି ଅଛି !ଏହି ଲକ ଡାଉନ ସମୟ ରେ ସମସ୍ତ କାର୍ଯ୍ୟ ବନ୍ଦ ଥିବାରୁ ଗରିବ ଲୋକ ଙ୍କୁ ଖାଦ୍ୟ ପେୟ ନେଇ ବିଭିନ୍ନ ଅସୁବିଧା ଲାଗି ରହିଛି ! ଏହାକୁ ଆଖି ଆଗରେ ରଖି ରାଜଗାଙ୍ଗପୁର ବିଧାୟକ ଡକ୍ଟର ରାଜନ ଏକ୍କା ନିଜ ସମର୍ଥକ ଙ୍କ ସହ ମିଶି ଅସହାୟ ଙ୍କୁ ବିଭିନ୍ନ ଦିଗରୁ ସାହାଯ୍ୟ କରି ଆସୁଛନ୍ତି ! ସେ କିଛି ଦିନ ହେବ ଅସହାୟ ଲୋକଙ୍କୁ ଖାଦ୍ୟ ପ୍ୟାକେଟ ବଣ୍ଟନ କରି ଆସୁଛନ୍ତି !ରାଜଗାଙ୍ଗପୁର ପୌର ପାଳିକା ଅଧୀନରେ ଥିବା ୨୪ଟି ୱାର୍ଡରେ କିଛି ସ୍ୱେଛା ସେବୀଙ୍କୁ ଡାକି ତାଙ୍କ ହାତରେ ରନ୍ଧା ଖାଦ୍ୟ ର ପେକେଟ ଅସହାୟ ଙ୍କ ଘରକୁ ପହଞ୍ଚାଇବାର ଦେଖି ବାକୁ ମିଳିଛି ! ଗତ କାଲି ସନ୍ଧ୍ୟାରେ ଅସହାୟ ଙ୍କୁ ପୁରୀ ତରକାରୀ ଯୋଗାଇ ଦେଇଥିବା ବେଳେ ଆଜି ୧୫ର ଖିଚିଡି ପେକେଟ ଯୋଗାଇ ଥିବା ଜଣା ପଡିଛି !ବିଧାୟକ ଙ୍କ ଏହି କାର୍ଯ୍ୟ କୁ ବିଭିନ୍ନ ମହଲ ରୁ ପ୍ରଶଂସା କରାଯାଇଛି !