ଗ୍ରାମାଞ୍ଚଳ ଖବର
ସୁନ୍ଦରଗଡ଼ :-କୋରୋନା ଭାଇରସ ରୋକିବା ପାଇଁ ଭାରତ ସରକାର ସମଗ୍ର ଦେଶକୁ ଲକଡାଉନ ନିର୍ଦେଶ ଦେଇଥିବା ବେଳେ ଓଡିଶା ସରକାର ମଧ୍ୟ ମାର୍ଚ୍ଚ ୨୪ତାରିଖ ମଧ୍ୟ ରାତ୍ରି ରୁ ସମଗ୍ର ଓଡିଶା କୁ ଲକଡାଉନ ଘୋଷଣା କରିଛନ୍ତି ! ନିଜ ପେଟ ପାଟଣା ପାଇଁ ମଧ୍ୟ ପ୍ରଦେଶ ଓ ଉତ୍ତର ପ୍ରଦେଶ ରୁ ବହୁ ପରିବାର ଲୁହା ସାମଗ୍ରୀ ତିଆରି କରିବା ସାଙ୍ଗକୁ, କାନ ସଫା, କଇଁଚି ଧାର କରିବା ଆଦି କାର୍ଯ୍ୟ ପାଇଁ ବହୁ ଦିନରୁ ଆସି ସୁନ୍ଦରଗଡ଼ ଜିଲ୍ଲା ର କୁତ୍ରା ଓ ବାଲି ଶଙ୍କରା ଅଞ୍ଚଳ ରେ କାମ ଜାରି ରଖି ଥିଲେ !ହେଲେ ଲକଡାଉନ ଘୋଷଣା ପରେ ସମସ୍ତ ଜାନ ବାହାନ, ରେଳ ବନ୍ଦ ହୋଇଯିବାରୁ ସେମାନେ ନିଜର ଗନ୍ତବ୍ୟ ସ୍ଥଳ କୁ ଯାଇ ପାରି ନଥିଲେ ! ସେମାନେ ନିଜ ଜୀଵିକାରୁ ଯାହା ଅର୍ଥ ଉପାର୍ଜନ କରିଥିଲେ ଏବେ ଲକ ଡାଉନ ପରେ ଖାଇବା ଏବଂ ଅନ୍ୟାନ ଖର୍ଚ୍ଚ ରେ ସମାପ୍ତ ହୋଇଯିବା ପ୍ରକାଶ କରିଛନ୍ତି ! ଏ ବାବଦ ରେ ସେମାନେ ଆମ ପ୍ରତିନିଧି ଙ୍କ ଠାରେ ପ୍ରକାଶ କରିଛନ୍ତି ଯେ ଲକ ଡାଉନ ପରେ ସେମାନେ ନିଜର ଗନ୍ତବ୍ୟ ସ୍ଥଳ ସ୍ଥାନ କୁ ଯିବା ପାଇଁ ଅସୁବିଧା ଭୋଗୁ ଥିବା ବେଳେ ତାଙ୍କ ପାଖରେ ଏବେ ଖାଇବା ପାଇଁ ମଧ୍ୟ କୋଣସି ସାମଗ୍ରୀ ନଥିବା ପ୍ରକାଶ କରିଛନ୍ତି ! ଏ ବାବଦ ରେ ସେମାନେ କୁତ୍ରା ସରପଞ୍ଚ ଓ ବାଲିଶଙ୍କରା ପ୍ରଶାସନ ପାଖରେ ନିବେଦନ କରିବା ସ୍ୱତେ ତାଙ୍କୁ କୋଣସି ସାହାଯ୍ୟ ମିଳି ନଥିବା ପ୍ରକାଶ କରିଛନ୍ତି !ଲକ ଡାଉନ ପାଇଁ ସେମାନଙ୍କ କାମ ଚଳୁ ନଥିବା ବେଳେ ସେମାନେ ନିଜ ପରିବାର ପରି ପୋଷଣ ଓ ନିଜର ଗନ୍ତବ୍ୟ ସ୍ଥଳ କୁ ଯିବା ପାଇଁ ଚିନ୍ତିତ ରହୁଥିବା ବେଳେ ପ୍ରଶାସନିକ ସାହାଯ୍ୟ ର ଆଶା ରେ ରହିଛନ୍ତି ! ହେଲେ ଏ ବାବଦରେ କୁତ୍ରା ବିଡ଼ିଓ ଙ୍କ ସହିତ ଯୋଗାଯୋଗ କରିବାରୁ ବାହାର ରାଜ୍ୟ ଲୋକଙ୍କ ପାଇଁ ସାହାଯ୍ୟ ଯୋଗାଇ ଦେବା କୋଣସି ଯୋଜନା ନଥିବା ପ୍ରକାଶ କରିଥିଲେ !ବାହାର ରାଜ୍ୟ ରୁ ନିଜ ଗୁଜୁରାଣ ମେଣ୍ଟାଇବା ପାଇଁ ଆସି ଥିବା ପରିବାର ବର୍ଗ ଙ୍କୁ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେଇ ସାହାଯ୍ୟ ଯୋଗାଇ ଦେବା ପାଇଁ ଉକ୍ତ ପରିବାର ର ମୁଖ୍ୟ ନିବେଦନ କରିଛନ୍ତି !
Gramanchalakhabr 